Sunday, May 11, 2008
အိမ်ကိုပြန်ခေါ်နေတဲ့
မေမေ့အသံတွေကြားထဲက
အချိန်မတန်သေးတဲ့
တောင်ပံတစ်စုံနဲ့
စိန်ခေါ်သံတွေကို
ရင်ဆိုင်ခဲ့မိလို့.....
အိမ်ပြန်ချိန်ဆိုတာ
ပျောက်သွားခဲ့ပြန်ပါပြီ........
ဘဝသူရဲကောင်းတွေရဲ့
ပုရပိုက်ထဲမှာ......
သားရာဇဝင်ကို မော်ကွန်းထိုးနိူင်မယ့်
နေ့ကိုလျှောက်လှမ်းရင်း
ချော်လဲပြန်ပြီ မေမေရေ......
ကယ်တင်သူကို မမျှော်လင့်ဘူး
မေမေ့ပန်းခင်းကို တမ်းတမိတယ်....
အိမ်မက်တွေနဲ့ ပင်ပန်းနေတဲ့
သားကို.....
မေမေ့ပန်းခင်းထက်မှာ
မှေးစက်ဖူးပွင့်ခွင့်ပြုလှည့်ပါ.....
အိပ်မပျော်တဲ့ သားညတွေမှာ
မေမေ့တေးသံက အားဆေးတစ်ခွက်ပေါ့...
နောင်တတွေနဲ့ မကြေကွဲဘူး
ချော့သိပ်တေးတွေကို နှမျောတယ်.....
မိုးချိမ်းသံတွေကြားထဲမှာ
ငိုသံတွေနဲ့ ......
မိုးမှောင်ချိန်တွေကြားထဲမှာ
ရယ်သံတွေနဲ့.......
မိုးသည်းချိန်တွေကြားထဲမှာ
အော်ဟစ်သံတွေနဲ့.....
ရောင်စဉ်မရှိတဲ့ ကောင်းကင်ထက်မှာ
မှောင်မိုက်နေတဲ့ အိပ်မက်တွေနဲ့
မိုးဖွဲချိန်မှာ မွေးခဲ့တဲ့
မေမေ့ရဲ့ လူဆိုးလေး
ဖြစ်တည်မူတစ်ခုနဲ့ ဆက်မိုက်ပါရစေ......မေမေ။
